ಬದುಕು ...

ಮೂಡಣದಿ ನೇಸರನು ಮತ್ತೆ ಹುಟ್ಟಿ ಬಂದ
ಹೊಸ ಆಸೆ ಹೊಸ ಕನಸ ಹೆಗಲಲಿ ಹೊತ್ತು ತಂದ...
ಬದುಕಿ ಹಳೆ ನೋವುಗಳ ಒಂದೊಂದಾಗಿ ಕೊಲ್ಲುತ
ಜೀವನದ ಸಾರವನು ಸಿಹಿಯಾಗಿ ಚೆಲ್ಲುತ
ಮೂಡಣದಿ ನೇಸರನು ಮತ್ತೆ ಹುಟ್ಟಿ ಬಂದ..... ||

ಇರುಳಿನ ಸೆರಗಂತೆ ಕಷ್ಟಗಳು ಹೊದ್ದಿರಲು
ಬದುಕಿನಾಸೆಯು ಅವಕೆ ಕಿಚ್ಹ ಹಚ್ಚಿರಲು
ಹಗುರಾಯಿತು ಮನವು ಬಹುಕಾಲದ ಮೇಲೆ
ಕೊನೆಗೂ ತಿಳಿಯದಾದೆನು ಆ ದೇವನ ಲೀಲೆ.... ||

ಮನದಲ್ಲಿ ಪ್ರೀತಿಯ ಆಸೆ ಹುಟ್ಟಿಸಿದ
ಪ್ರೀತಿಯಿಂದಲೇ ಮನವ ಕಹಿಯಾಗಿ ತಿವಿದ
ಆ ಕಹಿಯು ಮನಸಿಂದ ಕಾಲ್ತೆಗೆಯುವ ಮೊದಲೇ
ಹೊಸ ಆಸೆ ಹೊಸ ಕನಸ ಹೆಗಲಲಿ ಹೊತ್ತು ತಂದ
ಮೂಡಣದಿ ನೇಸರನು ಮತ್ತೆ ಹುಟ್ಟಿ ಬಂದ .......||